Կոստանտին Ե

Կոստանտին Ե (ծն.թ. անհայտ–1373, ապրիլ), Հայոց թագավոր Կիլիկիայում 1365 թվականից: Հաջորդել է իր հորեղբորորդի Կոստանտին Դ–ին։ Կոստանտնի օրոք երկրի զգալի մասը գաղթել էին մամլուքներն ու թուրքմենները։ Ֆրանկամոլ հայ իշխանները, Կոստանտին Դ–ի այրի Մարիունի գլխավորությամբ, կամենում էին տապալել Կոստանտնին և գահը հանձնել Կիպրոսի Պետրոս I թագավորին: Վերջինս նույնիսկ դրամ է հատել՝ «Պետրոս, Ամենայն Հայոց թագավոր» մակագրությամբ։ Պետրոսի նվաճողական քաղաքականությունից հիասթափված՝ Կոստանտինը չի մասնակցել Եգիպտոսի սուլթանության դեմ արկածախնդիր կռիվներին։ 1369 թվականին Պետրոսը Նիկոսիայումսպանվել է: Սակայն ֆրանկամոլ ունիթոռների կուսակցությունը, հակառակելով Կոստանտնին, շարունակել է բանակցել պապի հետ՝ սրելով Եգիպտոսի թշնամանքը: 1369 թվականի վերջին սուլթանության զորքերը ասպատակել ենԿիլիկիան և պաշարել Սիսը: Երկարատև կռիվներից հետո չկարողանալով գրավել Կոստանտնի գլխավորությամբ հերոսաբար դիմադրող միջնաբերդը՝ թշնամին հրդեհել է քաղաքը և նահանջել: Եգիպտոսի հետ Կոստանտնի հաշտության նոր փորձը խափանելու համար ունիթոռները դավանաբար սպանել են նրան և գահը հանձնել Լևոն Զ Լուսինյանին:

---